ਆਰਮੀ ਵਲੋਂ ਕਰਵਾਈ ਹਾਫ ਮੈਰਾਥਨ ਦੌੜ ਅਟਾਰੀ ਸਰਹੱਦ ਪਹੁੰਚੀ

ਅਟਾਰੀ (ਅੰਮ੍ਰਿਤਸਰ) , 24 ਨਵੰਬਰ (ਗੁਰਦੀਪ ਸਿੰਘ ਅਟਾਰੀ /ਰਾਜਿੰਦਰ ਸਿੰਘ ਰੂਬੀ) - ਆਰਮੀ ਵਲੋਂ ਕਰਵਾਈ ਗਈ ਹਾਫ ਮੈਰਾਥਨ ਦੌੜ ਸੀਪੀ 7 ਗੇਟ ਤੋਂ ਸ਼ੁਰੂ ਹੋਈ ਜੋ ਕੌਮਾਂਤਰੀ ਅਟਾਰੀ ਸਰਹੱਦ 'ਤੇ ਪਹੁੰਚੀ । ਹਾਫ ਮੈਰਾਥਨ ਤਿੰਨ ਕੈਟਾਗਰੀਆਂ 5, 10 ਅਤੇ 21 ਕਿਲੋਮੀਟਰ ਵਿਚ ਕਰਵਾਈ ਗਈ ਜਿਸ ਵਿਚ ਆਰਮੀ , ਬੀ.ਐਸ.ਐਫ. ਦੇ ਜਵਾਨਾਂ ਅਤੇ ਸਕੂਲਾਂ ਦੇ ਬੱਚਿਆਂ ਨੇ ਭਾਗ ਲਿਆ। ਜੇ.ਸੀ.ਪੀ. ਅਟਾਰੀ ਸਰਹੱਦ 'ਤੇ ਸਥਿਤ ਸਵਰਨ ਜੈਯੰਤੀ ਦੁਆਰ ਪਹੁੰਚੇ ਜੇਤੂ ਦੌੜਾਕਾਂ ਨੂੰ ਬੀ.ਐਸ.ਐਫ. ਖਾਸਾ ਹੈੱਡ ਕੁਆਰਟਰ ਅੰਮ੍ਰਿਤਸਰ ਦੇ ਡੀ.ਆਈ.ਜੀ. ਐਸ.ਐਸ. ਚੰਦੇਲ, ਕਮਾਂਡੈਂਟ 144 ਬਟਾਲੀਅਨ ਅਤੇ ਆਰਮੀ ਅਫਸਰਾਂ ਵਲੋਂ ਇਨਾਮ ਦੇ ਕੇ ਹੌਸਲਾ ਵਧਾਇਆ ਗਿਆ। ਇਸ ਮੌਕੇ ਕੌਮਾਂਤਰੀ ਅਟਾਰੀ ਲਾਹੌਰ ਹਾਈਵੇ ਦਾ ਇਕ ਰੋਡ ਬੰਦ ਰੱਖਿਆ ਗਿਆ, ਜਿਸ ਕਾਰਨ ਰਾਹਗੀਰਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ।