ਭਰਤਗੜ੍ਹ: ਦੁਕਾਨਦਾਰ ਦੀਆਂ ਅੱਖਾਂ 'ਚ ਮਿਰਚਾਂ ਪਾ ਕੇ ਲੁੱਟਣ ਆਏ ਲੁਟੇਰੇ ਫ਼ਰਾਰ, ਲੋਕਾਂ ਹੱਥ ਲੱਗੀ ਰਿਵਾਲਵਰ

ਭਰਤਗੜ੍ਹ (ਰੂਪਨਗਰ), 17 ਨਵੰਬਰ (ਜਸਬੀਰ ਸਿੰਘ ਬਾਵਾ)-ਥਾਣਾ ਕੀਰਤਪੁਰ ਸਾਹਿਬ ਦੀ ਪੁਲਿਸ ਚੌਕੀ ਭਰਤਗੜ੍ਹ ਦੇ ਸਾਹਮਣਿਓਂ ਪੰਜੇਹਰਾ ਹਿ.ਪ੍ਰ. ਨੂੰ ਜਾਂਦੇ ਮਾਰਗ 'ਤੇ ਲਿਟ ਕੁਲੈਕਸ਼ਨ ਨਾਮੀ ਦੁਕਾਨ ਦੇ ਮਾਲਕ ਅਤੇ ਉਸਦੇ ਭਰਾ ਦੀਆਂ ਅੱਖਾਂ 'ਚ ਮਿਰਚਾਂ ਪਾ ਕੇ ਹੱਥੋ-ਪਾਈ ਕਰਕੇ ਚਾਰ ਹਮਲਾਵਰ 2 ਮੋਟਰਸਾਈਕਲਾਂ ਉਤੇ ਫ਼ਰਾਰ ਹੋਣ ਵਿਚ ਕਾਮਯਾਬ ਹੋ ਗਏ। ਮਾਲਕ ਪਰਮਿੰਦਰ ਸਿੰਘ ਸੈਣੀ ਅਤੇ ਉਸਦੇ ਪਿਤਾ ਸਾਬਕਾ ਸਰਪੰਚ ਗੁਰਨਾਮ ਸਿੰਘ ਸੈਣੀ ਨੇ ਦੱਸਿਆ ਕਿ ਉਸਦੇ ਪੁੱਤਰਾਂ ਨੇ ਹਮਲਾਵਰਾਂ ਨਾਲ ਮੁਕਾਬਲਾ ਕਰਕੇ ਉਨ੍ਹਾਂ ਦਾ ਰਿਵਾਲਵਰ ਖੋਹ ਕੇ ਪੁਲਿਸ ਚੌਕੀ ਭਰਤਗੜ੍ਹ ਦੇ ਮੁਲਾਜ਼ਮਾਂ ਨੂੰ ਸੌਂਪ ਦਿੱਤਾ ਹੈ। ਪੁਲਿਸ ਨੂੰ ਵਾਰਦਾਤ ਪ੍ਰਤੀ ਪੂਰੀ ਜਾਣਕਾਰੀ ਦੇ ਦਿੱਤੀ ਹੈ।