ਦਿੱਲੀ ਚੋਣਾਂ ਲਈ 'ਆਪ' ਨੇ ਦੋ ਉਮੀਦਵਾਰ ਬਦਲੇ

ਨਵੀਂ ਦਿੱਲੀ, 15 ਜਨਵਰੀ (ਏਐਨਆਈ): ਆਮ ਆਦਮੀ ਪਾਰਟੀ ਨੇ ਹਰੀ ਨਗਰ ਅਤੇ ਨਰੇਲਾ ਹਲਕਿਆਂ ਵਿਚ ਆਪਣੇ ਉਮੀਦਵਾਰ ਬਦਲ ਦਿੱਤੇ।  ਨਾਮਜ਼ਦਗੀਆਂ ਦਾਖ਼ਲ ਕਰਨ ਦੀ ਆਖ਼ਰੀ ਮਿਤੀ ਤੋਂ ਦੋ ਦਿਨ ਪਹਿਲਾਂ ਇਹ ਬਦਲਾਅ ਕੀਤੇ ਗਏ ।   ਪਾਰਟੀ ਨੇ ਹਰੀ ਨਗਰ ਵਿਚ ਰਾਜਕੁਮਾਰੀ ਢਿੱਲੋਂ ਦੀ ਥਾਂ ਸੁਰਿੰਦਰ ਸੇਤੀਆ ਨੂੰ ਮੈਦਾਨ ਵਿਚ ਉਤਾਰਿਆ ਹੈ । ਨਰੇਲਾ ਤੋਂ ਮੈਦਾਨ ਵਿਚ ਉਤਾਰੇ ਗਏ ਦਿਨੇਸ਼ ਭਾਰਦਵਾਜ ਦੀ ਥਾਂ ਸ਼ਰਦ ਚੌਹਾਨ ਨੂੰ ਮੈਦਾਨ ਵਿਚ ਉਤਾਰਿਆ ਗਿਆ ਹੈ।   ਸ਼ਰਦ ਚੌਹਾਨ ਨਰੇਲਾ ਵਿਚ ਭਾਜਪਾ ਦੇ ਰਾਜ ਕਰਨ ਖੱਤਰੀ ਅਤੇ ਕਾਂਗਰਸ ਦੀ ਅਰੁਣਾ ਕੁਮਾਰੀ ਦੇ ਵਿਰੁੱਧ ਚੋਣ ਲੜਨਗੇ। ਸੁਰਿੰਦਰ ਸੇਤੀਆ ਦਾ ਸਾਹਮਣਾ ਭਾਜਪਾ ਦੇ ਸ਼ਿਆਮ ਸ਼ਰਮਾ ਅਤੇ ਕਾਂਗਰਸ ਦੇ ਪ੍ਰੇਮ ਸ਼ਰਮਾ ਨਾਲ ਹੋਵੇਗਾ।