ਫਲਾਈਓਵਰ 'ਤੇ ਕਾਰ ਅੰਦਰ 3 ਲਾਸ਼ਾਂ ਮਿਲੀਆਂ

 ਨਵੀਂ ਦਿੱਲੀ, 8 ਫਰਵਰੀ (ਪੀ.ਟੀ.ਆਈ.)- ਪੁਲਿਸ ਨੇ ਦੱਸਿਆ ਕਿ ਐਤਵਾਰ ਨੂੰ ਬਾਹਰੀ ਦਿੱਲੀ ਦੇ ਪੀਰਾਗੜ੍ਹੀ ਫਲਾਈਓਵਰ 'ਤੇ ਇਕ ਛੱਡੀ ਹੋਈ ਕਾਰ ਅੰਦਰ ਇਕ ਔਰਤ ਸਮੇਤ ਤਿੰਨ ਲੋਕ ਮ੍ਰਿਤਕ ਪਾਏ ਗਏ। ਉਨ੍ਹਾਂ ਕਿਹਾ ਕਿ ਫਲਾਈਓਵਰ 'ਤੇ ਖੜ੍ਹੀ ਇਕ ਕਾਰ ਬਾਰੇ ਪੀ.ਸੀ.ਆਰ. ਕਾਲ ਆਈ।

ਮੌਕੇ 'ਤੇ ਪਹੁੰਚਣ 'ਤੇ ਐਮਰਜੈਂਸੀ ਕਰਮਚਾਰੀਆਂ ਨੂੰ ਗੱਡੀ ਦੇ ਅੰਦਰ ਤਿੰਨ ਲੋਕ ਮ੍ਰਿਤਕ ਮਿਲੇ। ਪੁਲਿਸ ਅਨੁਸਾਰ, ਮ੍ਰਿਤਕਾਂ ਵਿਚ ਦੋ ਪੁਰਸ਼ ਅਤੇ ਇਕ ਔਰਤ ਸ਼ਾਮਲ ਹੈ। ਲਾਸ਼ਾਂ 'ਤੇ ਕੋਈ ਦਿਖਾਈ ਦੇਣ ਵਾਲੀਆਂ ਬਾਹਰੀ ਸੱਟਾਂ ਨਹੀਂ ਮਿਲੀਆਂ ਅਤੇ ਸਾਰੀਆਂ ਕੀਮਤੀ ਚੀਜ਼ਾਂ ਠੀਕ ਸਨ। ਪਹਿਲੀ ਨਜ਼ਰੇ ਮਾਮਲਾ ਖੁਦਕੁਸ਼ੀ ਦਾ ਜਾਪਦਾ ਹੈ। ਹਾਲਾਂਕਿ, ਮੌਤਾਂ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਹੋਰ ਜਾਂਚ ਕੀਤੀ ਜਾ ਰਹੀ ਹੈ।