ਦੱਖਣ-ਪੱਛਮੀ ਦਿਲੀ ਵਿਚ ਬੰਦੂਕ ਦੀ ਨੋਕ ’ਤੇ ਤਿੰਨ ਵਿਅਕਤੀਆਂ ਨੇ ਖੋਹੀ ਐਸ.ਯੂ.ਵੀ. ਕਾਰ

ਨਵੀਂ ਦਿੱਲੀ, 17 ਜੂਨ- ਪੁਲਿਸ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਦੱਖਣ-ਪੱਛਮੀ ਦਿੱਲੀ ਦੇ ਕੁਤੁਬ ਸੰਸਥਾਗਤ ਖੇਤਰ ਦੇ ਨੇੜੇ ਤਿੰਨ ਵਿਅਕਤੀਆਂ ਨੇ ਡਰਾਈਵਰ ਤੋਂ ਬੰਦੂਕ ਦੀ ਨੋਕ ’ਤੇ ਇਕ ਐਸ.ਯੂ.ਵੀ. ਚੋਰੀ ਕਰ ਲਈ। ਇਨ੍ਹਾਂ ਵਿਅਕਤੀਆਂ ਨੇ ਸ਼ਹੀਦ ਜੀਤ ਸਿੰਘ ਮਾਰਗ ’ਤੇ ਕਾਰ ਚੋਰੀ ਕਰਨ ਵੇਲੇ ਡਰਾਈਵਰ ਨੂੰ ਕਥਿਤ ਤੌਰ ’ਤੇ ਪਿਛਲੀ ਸੀਟ ’ਤੇ ਬਿਠਾਇਆ ਅਤੇ ਇਕ ਘੰਟੇ ਬਾਅਦ ਉਸ ਨੂੰ ਕਾਰ ’ਚੋਂ ਬਾਹਰ ਸੁੱਟ ਦਿੱਤਾ। ਡਰਾਈਵਰ ਇਕ ਰੈਸਟੋਰੈਂਟ ਦੇ ਬਾਹਰ ਆਪਣੇ ਮਾਲਕ ਦੀ ਟਾਟਾ ਹੈਰੀਅਰ ਗੱਡੀ ਅੰਦਰ ਉਡੀਕ ਕਰ ਰਿਹਾ ਸੀ। ਉਸ ਦਾ ਮਾਲਕ ਅਤੇ ਉਸਦੀ ਪਤਨੀ ਇਕ ਪਾਰਟੀ ਵਿੱਚ ਸ਼ਾਮਿਲ ਹੋਣ ਲਈ ਅੰਦਰ ਗਏ ਸਨ ਜਦੋਂ ਤਿੰਨ ਵਿਅਕਤੀ ਪਿਛਲੇ ਦਰਵਾਜ਼ੇ ਤੋਂ ਕਾਰ ਵਿਚ ਦਾਖਲ ਹੋਏ। ਡਰਾਈਵਰ ਨੇ ਪੁਲਿਸ ਨੂੰ ਦੱਸਿਆ ਕਿ ਜਦੋਂ ਕਾਰ ਚੋਰੀ ਹੋਈ ਤਾਂ ਕਾਰ ਖੜ੍ਹੀ ਸੀ। ਉਨ੍ਹਾਂ ਵਿਚੋਂ ਇਕ, ਜਿਸ ਕੋਲ ਪਿਸਤੌਲ ਸੀ, ਕਾਰ ਭਜਾ ਕੇ ਲੈ ਗਿਆ। ਡਰਾਈਵਰ ਨੇ ਕਿਹਾ ਕਿ ਉਸ ’ਤੇ ਕਥਿਤ ਤੌਰ ’ਤੇ ਹਮਲਾ ਕੀਤਾ ਗਿਆ ਅਤੇ ਲਗਭਗ ਇਕ ਘੰਟੇ ਤੱਕ ਚਲਦੀ ਕਾਰ ਦੇ ਅੰਦਰ ਰੱਖਿਆ ਗਿਆ। ਉਨ੍ਹਾਂ ਨੇ ਉਸ ਤੋਂ ਉਸਦਾ ਮੋਬਾਈਲ ਫੋਨ ਅਤੇ ਨਕਦੀ ਵੀ ਲੁੱਟ ਲਈ। ਪੁਲਿਸ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ।