ਨਵੀਂ ਦਿੱਲੀ, 4 ਫਰਵਰੀ - ਆਤਿਸ਼ੀ ਵੱਲੋਂ 'ਸਾਈਲੈਂਸ ਪੀਰੀਅਡ' ਦੌਰਾਨ ਦਖਲਅੰਦਾਜ਼ੀ ਦੇ ਦੋਸ਼ਾਂ ਤੋਂ ਬਾਅਦ, ਦਿੱਲੀ ਪੁਲਿਸ ਨੇ ਭਾਜਪਾ ਉਮੀਦਵਾਰ ਰਮੇਸ਼ ਬਿਧੂੜੀ ਦੇ ਪੁੱਤਰ ਵਿਰੁੱਧ ਆਦਰਸ਼ ਚੋਣ ਜ਼ਾਬਤੇ ਦੀ ਉਲੰਘਣਾ ਦਾ ਮਾਮਲਾ ਦਰਜ ਕੀਤਾ।ਦਿੱਲੀ ਪੁਲਿਸ ਨੇ ਕਾਲਕਾਜੀ ਤੋਂ 'ਆਪ' ਉਮੀਦਵਾਰ ਆਤਿਸ਼ੀ ਦੇ ਦੋਸ਼ਾਂ ਦਾ ਜਵਾਬ ਦਿੱਤਾ ਹੈ ਕਿ ਰਮੇਸ਼ ਬਿਧੂੜੀ ਦੇ ਪੁੱਤਰ ਮਨੀਸ਼ ਬਿਧੂੜੀ ਨੇ 'ਸਾਈਲੈਂਸ ਪੀਰੀਅਡ' ਦੌਰਾਨ ਹਲਕੇ ਵਿਚ ਦਖ਼ਲ ਦਿੱਤਾ ਸੀ। ਦੱਖਣੀ ਪੂਰਬੀ ਦਿੱਲੀ ਦੇ ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ ਦੇ ਅਧਿਕਾਰਤ ਹੈਂਡਲ ਨੇ ਐਕਸ 'ਤੇ ਪੋਸਟ ਕੀਤਾ ਅਤੇ ਦੱਸਿਆ ਕਿ ਮਨੀਸ਼ ਬਿਧੂੜੀ ਵਿਰੁੱਧ ਆਦਰਸ਼ ਚੋਣ ਜ਼ਾਬਤੇ ਦੀ ਉਲੰਘਣਾ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ।