ਤਲਵੰਡੀ ਸਾਬੋ (ਬਠਿੰਡਾ), 28 ਜਨਵਰੀ (ਰਣਜੀਤ ਸਿੰਘ ਰਾਜੂ)-ਨੇੜਲੇ ਪਿੰਡ ਜੰਬਰ ਬਸਤੀ ਕੋਲ ਤੂੜੀ ਵਾਲੀ ਟਰਾਲੀ ਨਾਲ ਇਕ ਕਾਰ ਦੇ ਟਕਰਾਉਣ ਨਾਲ ਕਾਰ ਸਵਾਰ ਦੋ ਵਿਅਕਤੀਆਂ ਦੀ ਮੌਤ ਹੋਣ ਅਤੇ ਇਕ ਦੇ ਜ਼ਖਮੀ ਹੋਣ ਦੀ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਅਨੁਸਾਰ ਤਲਵੰਡੀ ਸਾਬੋ ਵਲੋਂ ਜਾ ਰਹੀ ਵਰਨਾ ਕਾਰ ਪਿੰਡ ਜੰਬਰ ਬਸਤੀ ਕੋਲ ਤੂੜੀ ਵਾਲੀ ਟਰਾਲੀ ਨਾਲ ਜਾ ਟਕਰਾਈ, ਜਿਸ ਕਾਰਨ ਕਾਰ ਦੇ ਪਰਖੱਚੇ ਉੱਡ ਗਏ। ਉਕਤ ਦੁਰਘਟਨਾ ਵਿਚ ਕਾਰ ਸਵਾਰ 2 ਵਿਅਕਤੀਆਂ ਭੋਲਾ ਸਿੰਘ ਅਤੇ ਜਗਪ੍ਰੀਤ ਸਿੰਘ ਵਾਸੀਆਨ ਸੀਂਗੋ ਦੀ ਮੌਤ ਹੋਣ ਅਤੇ ਕਾਰ ਚਾਲਕ ਧਰਵਿੰਦਰ ਸਿੰਘ ਵਾਸੀ ਸੀਂਗੋ ਦੇ ਜ਼ਖਮੀ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਹੋਰ ਵੇਰਵਿਆਂ ਦੀ ਉਡੀਕ ਹੈ।