ਹਿਮਾਚਲ 'ਚ ਭਾਰੀ ਬਾਰਿਸ਼ ਤੋਂ ਬਾਅਦ 38 ਸੜਕਾਂ ਬੰਦ

ਸ਼ਿਮਲਾ (ਹਿਮਾਚਲ ਪ੍ਰਦੇਸ਼), 15 ਸਤੰਬਰ-ਸਟੇਟ ਐਮਰਜੈਂਸੀ ਆਪ੍ਰੇਸ਼ਨ ਸੈਂਟਰ (ਐਸ.ਈ.ਓ.ਸੀ.) ਨੇ ਅੱਜ ਦੱਸਿਆ ਕਿ ਮੀਂਹ ਕਾਰਨ ਹਿਮਾਚਲ ਪ੍ਰਦੇਸ਼ ਵਿਚ ਕੁੱਲ 38 ਸੜਕਾਂ ਬੰਦ ਹੋ ਗਈਆਂ ਹਨ ਅਤੇ 11 ਬਿਜਲੀ ਸਪਲਾਈ ਜਗ੍ਹਾ ਵਿਘਨ ਪਿਆ ਹੈ। ਸਥਾਨਕ ਮੌਸਮ ਵਿਗਿਆਨ ਕੇਂਦਰ ਨੇ ਬੁੱਧਵਾਰ ਨੂੰ ਰਾਜ ਦੇ ਛੇ ਜ਼ਿਲ੍ਹਿਆਂ ਵਿਚ ਵੱਖ-ਵੱਖ ਥਾਵਾਂ 'ਤੇ ਗਰਜ ਅਤੇ ਬਿਜਲੀ ਲਈ 'ਯੈਲੋ' ਅਲਰਟ ਜਾਰੀ ਕੀਤਾ ਹੈ। ਮੌਸਮ ਵਿਭਾਗ ਨੇ ਸੂਬੇ ਵਿਚ 21 ਸਤੰਬਰ ਤੱਕ ਮੀਂਹ ਪੈਣ ਦੀ ਵੀ ਭਵਿੱਖਬਾਣੀ ਕੀਤੀ ਹੈ।
ਐਸ.ਈ.ਓ.ਸੀ. ਅਨੁਸਾਰ ਕਾਂਗੜਾ ਵਿਚ ਵੱਧ ਤੋਂ ਵੱਧ 10 ਸੜਕਾਂ, ਸ਼ਿਮਲਾ ਅਤੇ ਮੰਡੀ ਵਿਚ ਅੱਠ-ਅੱਠ, ਲਾਹੌਲ ਅਤੇ ਸਪਿਤੀ ਵਿਚ ਪੰਜ, ਕੁੱਲੂ ਅਤੇ ਕਿਨੌਰ ਵਿਚ ਤਿੰਨ-ਤਿੰਨ ਅਤੇ ਸਿਰਮੌਰ ਵਿਚ ਇਕ ਸੜਕ ਬੰਦ ਹੈ।